مفدي زكريا للجزائر........
هذي دمانا الغالية دفاقة
وعلى الجبال علامنا خفاقة
وللجهاد ارواحنا سباقة
جيش التحرير احنا ماناش فلاقة
يا فرنسا لا تفيدك اليوم جيوشك
ولا تفكك من أيدينا جحوشك
يا فرنسا فين طغاوتك وفشوشك
يا ظالمة مسكناك مالخناقة
جيش التحرير احنا ماناش فلاقة
الشعب اليوم راه رجعله صوابه
ويحب يصفي معاك اليوم حسابه
الكذب حبله قصيف يا كذابة
والخاين ماتواتيش معاه رفاقة (الرفق)
جيش التحرير احنا ماناش فلاقة
الالم كلو قضى على استعماره
غير الجزائر تشكي صهد ناره
الحر ما يرضى يعيش غريب في داره
والغير يسلبله ثروته وارزاقه
جيش التحرير احنا ماناش فلاقة
على استقلالنا يا فرنسا ثرنا
وحتى شيء في الدنيا ما يرجعنا
واللي جهلنا يغدا يسأل عنا
قنطس وفم الطوب وعين الناقة
جيش التحرير احنا ماناش فلاقة
الصدر ضاق والرصاص تكل
صوت الجزائر من الجبال يدمدم
الله أكبر أنا عربي مسلم
الروح هبت للفدا مشتاقة
جيش التحرير احنا ماناش فلاقة
صوت الجزائر من الجبال يلالي
ممزوج بالنار والدم الغالي
يدعو الشباب للجهاد العالي
حي على الجهاد يا رفاقة
جيش التحرير احنا ماناش فلاقة
عاهدت شعبي أبدا ما أرجع
أشهد يا ربي ويا عالم اسمع
ويا زمان رغم أنفك ترجع
حرة بلادي علامها خفاقة
جيش التحرير احنا ماناش فلاقة
