هالقلب بدو قلب تا يخبيكي\\\

هالقلب بدو قلب تا يخبيكي

من كتر ما بالغرام انغرم فيكي

وبدو بجمالك يغازل النجمات

ومتل وردة مفتحة يخليكي

الله عطاكي حلا من جنى الكرمات

وزين جمالك ومن عطر نوار يهديكي

ولون خدودك من لون هالوردات

وكحل عيونك بكحل رباني تا يحليكي

وعالكتف نازل خصل شقرا من الشعرات

وع جبينك تنزل الغرة تا تزين نواصيكي

وشفاف حبتين فريز معسولات

وبلا تلوين وبلا حمرة ملونة فيكي

والعنق عنق غزال بيرسم حكايات

عشق وغرام بتمزج الحاضر بماضيكي

والصدر شقفة رخام مرصعة بحبات

فيها كنوز الدني ولذة الحياة بحلا نهديكي

الله خلق حسن الطبيعة والفردوس والجنات

تا من عطرها وحلاها حلاوة الروح تعطيكي

وياريت يتحقق حلم من اجمل الامنيات

تصيري الي رفيقة وبعمري معي شريكي

حضورك الاجمل ملاك

سعيد جدا بانها نالت اعجابك

شكرا لمرورك العطر

تحياتي