ياكثر أحس ان بك مني وبي منك ... روح قسمها على شخصين مولاها

ماقلت أحبك ولا قد قلت ما أحبك
أحب مالي عيوني وانت تسواها

لو تدري شكثر تعني لي تعرف انك
آخر أمل في حياتي وأول مناها

ياكثر أحس ان بك مني وبي منك
روحٍ قسمها على شخصين مولاها

لا تقول شتحب فيني أعشقك كلك
من ليل شعرك لشمسك لآخر أقصاها

سميتني نصفك الثاني ويا شحك
انا بسميك كلي وانت معناها

تعبت أوديك له ياقلب ويردك
لا خذا حلومي ولا خلاني أنساها

كل الحمام استراح وناح في ظلك
والورد الأصفر سقته الروح من ماها

ليتك بعمري ثلاث أشخاص ما ملّك
واحد معي دوم وواحد روحي يملاها

والثالث بجفن عيني لافقد حسك
أو غمض الجفن جاني فيك يتباهى

مو بس أحبك أنا والله من حبك
أحب حتى ثرى الأرض اللي تاطاها

ياعيني
شو هالرومنسية
حلوة الابيات يا احمد
يسلم زوووءك ومشكور عالانتقاء الناااايس

وداد كتب:: ياعيني
شو هالرومنسية
حلوة الابيات يا احمد
يسلم زوووءك ومشكور عالانتقاء الناااايس

تسلم عيوووووونك وداد ..

احيانا بعض الامور التي تظهر فجأه في حياتك تجعلك رومانسي ومتذوق جيد للشعر ..

اسعدني مرورك الانيـــــــــــــــــــق ..