اية جمال وحلا \\\

صدفة التئيت بصبية مكحولة العينين

متل الحورية ال الله وصفها بجناتو

بيضا بياضها بيشبه تلج صنين

سبحان الله ال خلقها هو بدياتو

بعمر الربيع وما تجاوزوا سنينها العشرين


وردة مفتحة ومعطرة بعطر زهراتو

وخصرها بيلوي ميلة ع ميلتين

لو شافها صياد بيشهئ وبيرمي سلاحاتو

وشعرها اسود بلون الليل

نازل خصل عالكتفين دخيلن انا خصلاتو

وجبين ضاوي يزيغ العينين

وحواجب سيوف مزيني بالدهب قبضاتو

وجوز عيون شهلا خلئة مكحلين

وحمرة خدودا نوار حط فيها كل ورداتو

وشفاف عسل لو دائها ابن تسعين

بيرجع شبابو وبيتفتحوا شرايينو بدماتو

وعنئها عنئ غزال منو الكل محسودين

والصدر عنبر ع مرمر مزين بحباتو

اية جمال وحلا بعدها الئالب انكسر تخمين

واللي خلئها عليها قضى كل اوقاتو