المواعيد الكيلوغرامية ..

السلام عليكم

اليوم
غادي نتكلم عن المواعدة لي رونديفو و جماعتها هده المواعيد اعتبرها مجرد
خدع سينيمائية و استعرا ض بهلواني يمكن يديك اخي اختي الى الهلاك فبعد
عملية التخرميط ..

الى
اللقاء تجد الشاب يجهز حاله للقاء حبيبته فيعني دايما اضهار الحسن و
الاحسن من لبس يمكن قاع يتسلف المهم يدوخ الشيرة يمكن يجيب لوطو من صاحبو
...الخ

كاين الي يوصي صحابو في وقت اللقاء يعيطولو باه يلعبها شايع 5 ابال اونابسونس عيطلو غير صاحبو نتاع القنت ..

الشيرة تقول ديت رجل اعمال شغكة قادرة تلفون قاع ما يحبسش

ايا شوية جال فالخرجة قرعة ريحة يكبها على روحه و يلصق حطة نظارات شمشية كيما هاك يعني

المواعيد الكيلوغرامية .. Vlcsnap2010022218h06m35

و يلا ..الى الخدع

و الفتاة كذلك خدع في خدع في دارهم بدعية و ريحة البصل تفوح تقول راك فالكوزينة

ايا مين تخرج راكم عارفين التطلاس تع البنتورة و شويشوار 4 ساعات ..

.و
يتم اللقاء عارض الازياء و عارضة البصل مع كلام حلو في الحب و العشق يعني
الكل سيظهر محاسنه مكاش الي يقول عيبه فلا يرى الشاب المسكين الى الجيد
الحسن الاخلاق و الوفاء

فيفكر في زواجها لانه احبها و احبته

مسكين راه عاد حاصل في روحو و يحوس على الزواج الذي سماه الله الميتاق الغليظ

هل تتزوج من التي تخرج معها و ما ادراك انها خرجت مع اخر...

يقولك كونفيونس لالا فايونس

.........

هذه الصورة ستوضح لكم عن الغباء و الخدع التي اتحدت عنها فهي يمكن ان تشبه ببساطة publicite و الحقيقة التي تعيشها

وهاذا المتل يضرب ايضا في الحب في الانترنت الدي سنفرد له موضوع ان شاء الله

الشابة
تفكر في زوجها المستقبلي و تعرض شاشة الاحلام في مخيلتها الزائفة و لا
يدرون انهم يفكرون في مهزلة حينما يفكرون في الزواج هاذا بغض النظر عن
النيات السيئة للشباب التي يمكن ان نعطيها نسبة 95 فالمئة حسب رايي
الشخصي و تبقى الضحية الفتاة في قمة الخسارة و هي ضياع شرفها او اقل تقدير
وهو اللعب بجسدها.. لان حبيبها مرفوع عليه القلم

اخر الاحصائيات 80 في المئة من علاقت الحب التي انتهت بالزواج فشلت و انتهت بالطلاق فما رايك

تخيل
معي بمخيلة عقلك بعد زواجك يجد الشاب الشابة كما قلت بالبصل والفورانة
يقول هادي الي تزوجتها لا غير معقول اين الجمال و هي نفس الكلام

ينوض صباحا الشيرة ماتعرفش اطيب قهوة

ايه كي خرجت معاها ما سقسيتهاش على الطياب بروحها كانت تتهرب يروح للعمل فيجد اخرى فينسى زوجته و لسان حاله
دغرولي وحدة قاع ماشي آافير من جميع النواحي و هي تفكر اين رسائل الغرام
التي كان يرسلها اين الدلوع و سهرة الشموع يا غادي ياكلك الجوع

لسان حاله يقول تبحت عن الغرام و العدس 160دج للكيلوغرام

و هم الاولاد و المصروف انا بروحي كرهتك صايي بلعي فمك

ا

ومن هم اسباب الطلاق بعد الحرام طبعا الدي لا يدوم مطلقا

هو كي خرج مع اها
طاف بيها قاع البلاد و عرفها قاع كيدايرة و تتمتع بكل شيء منها فلا يوجد
له اي فضول لمعرفة شيء اخر منها فيكرهها بسهولة فقد عرف كل شيء..

و لانه احبها صدفة و من حرام فسيطلقها ببساطة كما التلقاها ببساطة و صدفة

و سيناريو متكرر الى ان يتفطن الشباب فالزواج ميتاق غليظ فلا ترمي نفسك الى التهلكة فتندم بقية حيات

هههههههههههههه محمد دمك خفيف و الله

بصح علاش عارض ازياء و عارضة بصل ؟؟؟ :cyclops:

تعرف صديق لي في الجامعة تناقشنا اذا ممكن تدي واحدة تمشي معاها ؟
قالي ضرك البنات كامل راهم يمشيو

الاغلب يعني

نادرا ما تلقى واحدة ما عرفتش واحد

قالي ندي الي عرفتها انا و قعدت معاها بالسنين

خير من ندي مرا تاع راجل واحد آخر

وصلاتك الفكرة ؟

بصح تاني هذا ما يعطيش الحق للطفلة باش تحب مين ما والا
و تخرج مع الي جا
و ممبعد تقولك الزواج مكتوب

و الشاب كذلك

لازم الانسان يكون عقلاني في اخياراته

و احنا نقوله الشاري تجي عينه حمرا
يعني واحد ناوي الحلال
و مستعد يتقدم لاهل الحبيبة مهما كانت ظروفه

هذا رايي
و الله يوفقك و يعطيك بنت الحلال

و احنا بانتظار المزيد من مواضيعك الشيقة

انا صح مع ان اعرف المراة قبل لزواج لكن مش اعرف جسمها كيف عامل هدا الصديقك الي تناقشتي معاه الموضوع لو ساليته ان كان يقصد من كلامو تمشى معاها سنين وعمل معاها علاقة جنسية معاها ان يقبل ايضا يتزوج بيها انا اظن لما تكون هادي المراة رقدت معاها ترقد مع الف واحد غيرو لانو حب نتاع سنين مستحيل ما يكون فيه علاقة جنسية لهدا انا مع ان اعرف المراة قبل الزواج لكن مش اكثر من اللازم وهدا رايي انا وكل واحد يفهمها مثل ما يحب ..شكرا ملاك

طبعا ووجهة نظرك تحترم
و انا اوافقك الراي
كليا

و الموضوع طريف و الله
بانتظار المزيد