هاد الغنية عليك انتي ..يا اللي بغيتك من كرتي
يا اللي شفتك كي خدعتي ..وما شفيتك ما ندمتي
لو كان من اللول قولتيلي ...بللي انتي مشي كيفي
بللي انتيا خارجة الطريق ...لو كان جبدت روحي ..وما تبغيني ما نبغيك
بصح عجباتك ..كي قعدت نطيح في نيفي ..وكيما كلب موراك نجري
ونقوللك اسمحيلي ...الغلطة درتيها انتي ..وكذبتي ..وزعقتي بحبي وقلبي
انا كنت راجل ..قلبي اللي ردني مذلول ..انا كنت بعقلي ..وانتي رديتيني مهبول
انتيا تبغي المادة ..وانا كانت عندي غي الوردة
الوردة اللي بيها عرفتي ..بللي ..انا قليل ..ما عندك فيا ما تبيزني
مشي لافوت تاعي اللي ربي ماعطانيش مرسيديس ولا بويام ولا اودي
كيما اللي بيهم بدلتيني
بصح عطاني قلب جامي تلقايه عند وحد اخر من غيري
هاد الغنية عليك انتي ..يا اللي ما تعرفيش تبغي
تعرفي غير تطمعي ..ب لي بروماس قتلتيني
قدام الناس بهدلتيني ..اعطيتك سيدياتي وتصاويري وقاع صوالحي
مابغيتينيش نرابي ونغني..بغيتيني غير نفورني
فاللوطو فوتتي عليا ...في لاني فارسار تاعي ..قارعتلك تكونتاكتيني ...
ترسليلي لي ميساج كيما من داري ..نوسالمو نسيتيني
مي تاني جرحتيني ...
قاع هادوك الكذبات اللي بيهم غفلتيني ..قاع دوك التبسيمات الليى بيهم هفيتيني
قاع هادوك الخزرات اللي بيهم ضعفتيني
وتقوليلي بللي انتي مشي غيسبونسابل على حبي
لو كان جيتي مرا تبغيني على قلبي مشي على جيبي
اللي ما لقيتي فيه والو ..على هادي اللي خليتيني
لخاطر قلبي غالي ..على الدراهم تاع لعروبي ....قلب تاع واحد راجل كيفي يجيبله المادة والتيكي
بصح الدراهم والفاني مايقدش يشري بيهم قلب كيما تاعي
وعلى هادي القلب غالي على الدراهم
خاطر الدراهم صنعوهم عباد كيما انتي ..بصح القلب دارو ربي
وجامي الحاجة اللي يديرها العبد ما تكون كيما اللي يديرها ربي
توت فاصون ..انا راجل ونقعد كيما راني
وانتي راكي عارفة روحك شا تكوني
البارح بغيتك ..بصح لوكان تبقي في الدنيا وحدك انتي جامي نوليلك اختي
