من زينو نهار اليوم صحا عيدكم ... من زينو نهار اليوم مبروك عيدكم
بني ادم اليوم يزور اهلو ...بالفرح ولهنا يكملو
يطلب ربنا يغفرلو ...ماهو يكون
وعلى النبي الشفيع نصلو في نهار ليوم
.من زينو نهار اليوم صحا عيدكم ... من زين نهار اليوم مبروك عيدكم.
ياسعد من يفرح اليتيم ... يرضى عليه ربي الكريم
يكون ليه اجر عظيم في نهار اليوم ...غدا عند الله الرحيم يكون مرحوم
.من زينو نهار اليوم صحا عيدكم ... من زين نهار اليوم مبروك عيدكم.
مبروك هاد العيد علينا وعلى ناس قسنطينة
اه ياصحاب بجاية الزينةصحا عيدكم زهيتو اليوم وزهينا بلحباب كلهم
.من زينو نهار اليوم صحا عيدكم ... من زين نهار اليوم مبروك عيدكم
مبروك عيدكم ومزيان احبابي ناس تلمسان
ولاد الجدار ياشجعان صحا عيدكم تعيشو دايم في لمان جميع كلكم
من زينو نهار اليوم صحا عيدكم ... من زين نهار اليوم مبروك عيدكم
مبروك عيدكم ياشباب ياناس وهران يالصحاب
نفرحو شايب وشباب صحا عيدكم كونو كل عام بالاحباب نزهاو كي ليوم
من زينو نهار اليوم صحا عيدكم ... من زين نهار اليوم مبروك عيدكم
مبروك عيدكم بالهمة عليكم ياناس العاصمة
جزائر تفرح ديما صحا عيدكم كأنها عروسة بالتبسيمة غالية فاسوم
من زينو نهار اليوم صحا عيدكم ... من زين نهار اليوم مبروك عيدكم
مبروك العيد لاهل الصحرا ياشجعان صحاب النعرة
موالين النخل والتمرة صحا عيدكم
البترول والغاز فالصحرا كل خير عندكم
من زينو نهار اليوم صحا عيدكم ... من زين نهار اليوم مبروك عيدكم
ان شاء الله تعجبكم ونكون مانيش غالط فى بعض الكلمات
